ഊണിന് എന്ത് വേണം?

ഭാര്യ : "ഉച്ചക്ക് കഴിക്കാൻ എന്താണ് ഉണ്ടാക്കേണ്ടത് ?"

ഞാൻ : "നീ എന്തെങ്കിലും ഉണ്ടാക്കിയാൽ മതി"

ഭാര്യ : "നിങ്ങളുടെ ഇഷ്ട്ടം പറഞ്ഞോളൂ"

ഞാൻ : "കൊള്ളിയും (കപ്പ, മരച്ചീനി) ഉള്ളി തീയലും കഴിക്കാം"

ഭാര്യ : "ഉച്ചക്ക് കൊള്ളി കഴിക്കണ്ട"

ഞാൻ : "എങ്കിൽ ചപ്പാത്തിയും കിഴങ്ങ് കറിയും ആവട്ടെ"

ഭാര്യ : "അത് രാത്രി കഴിക്കാം"

ഞാൻ : "ചോറും എന്തേലും കൂട്ടാനും മതി"

ഭാര്യ : "എപ്പോഴും ചോറോ? പിള്ളേര് കഴിക്കില്ല"

ഞാൻ : "എങ്കിൽ നൂഡിൽസ് ഉണ്ടാക്കിയാൽ മതി."

ഭാര്യ : "നൂഡിൽസ് തീർന്നു പോയല്ലോ"

ഞാൻ : "എങ്കിൽ പൂരിയും പരിപ്പ് കറിയും ആകാം"

ഭാര്യ : "പരിപ്പ് കറി ഗ്യാസ് ഉണ്ടാക്കും. എനിക്ക് പറ്റില്ല."

ഞാൻ : "എങ്കിൽ വെജിറ്റബിള്‍ ബിരിയാണി വച്ചോളൂ. കഴിച്ചിട്ട് കുറേനാളായി"

ഭാര്യ : "അത് നമ്മൾക്ക് ഞായറാഴ്ച ഉണ്ടാക്കാം"

ഞാൻ : "എങ്കിൽ നീ എന്തെങ്കിലും ഉണ്ടാക്ക്"

ഭാര്യ : "അത് വേണ്ട; നിങ്ങളുടെ ഇഷ്ട്ടം പറ"

ഞാൻ : @#$%^&*(