ദുബായ് കരാമയിലെ സിനിമാ സി.ഡി കടയാണ് രംഗം. ഒരു പകല് നേരം. കടയില് വലിയ തിരക്കൊന്നും ഇല്ലാത്തതിനാല് അവിടുത്തെ രണ്ട് ജീവനക്കാരില് ഒരാളായ രാജേഷ് മാത്രമേ ഇപ്പോള് ഉള്ളൂ. കടയുടെ മുന്നിലെ പാര്ക്കിംഗില് ഒരു ചെറിയ കാറ് വന്നു നിന്നു. അതില് നിന്നും സുമുഖനായ ഒരു ഫിലിപ്പൈന്സ്കാരന് പുറത്തിറങ്ങി. എന്തോ ആലോചിച്ച ശേഷം കടയുടെ ഉള്ളിലേയ്ക്ക് വന്നു. തുടര്ന്ന് നടക്കുന്ന സംഭാഷണം.
"പരേ (സുഹൃത്തേ) ദു യു ഹാവ് പൈതൃകം ചേന്ച്?"
രാജേഷ് ഒന്ന് അമ്പരന്നു. 'പൈതൃകം' - അതൊരു പഴയ മലയാളം സിനിമയല്ലേ? ചിലപ്പോ ഇവന്റെ ഭാര്യ മലയാളി ആയിരിക്കും. അല്പ്പം തപ്പിയ ശേഷം പൈതൃകം സിനിമയുടെ സി.ഡി എടുത്ത് നീട്ടി. അയാളുടെ മുഖം വാടി.
"നോ പരേ, പൈതൃകം"
"ദിസ് ഈസ് പൈതൃകം"
"നോ, ഐ നീഡ് പൈതൃകം"
ങേ? ഇനി പൈതൃകത്തിന്റെ അഞ്ച് സി.ഡി വേണമെന്നാണോ? രാജേഷിന് സംശയം ആയി.
"ഐ ഹാവ് ഒണ്ലി വണ് പൈതൃകം"
ലവന് കരച്ചില് വരാറായി. വലത് കൈപ്പത്തി രാജേഷിന്റെ മുഖത്തിന് നേരെ കാട്ടിക്കൊണ്ട് അയാള് പറഞ്ഞു,
"യൂ നോ കാര് പാര്ക്കിംഗ്?"
"എസ്"
"ഐ നീഡ് പൈ...തൃകം"
ഹോ, ഫൈവ് ദിര്ഹം എന്നാണ് അവന് ഉദ്ദേശിച്ചത് അല്ലേ? അവന് അഞ്ച് ദിര്ഹത്തിന്റെ ചില്ലറ കൊടുത്തു. തന്റെ ചമ്മല് ആരും കണ്ടില്ല എന്ന് സമാധാനിച്ച് ചാരിയിരുന്നു. ചുണ്ടിലെ അമളിയുടെ ചിരിയാണേല് മായുന്നും ഇല്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ